Гулевіч Мікалай Паўлавіч

Нарадзіўся 9 мая 1925 годзе ў в. Рудня- Нісімкавіцкая Чачэрскага раёна. Перад вайной вучыўся ў Нісімкавіцкай сярэдняй школе. Удзельнік Вялікай Айчыннай вайны з верасня 1943 года. Прымаў удзел у вызваленні роднай Гомельшчыны, быў паранены. Пасля лячэння зноў на фронце.

Пасля вайны закончыў настаўніцкі інстытут у Мінску і завочна Гомельскі педагагічны інстытут імя В.Чкалава. У 1948-1963 гадах працаваў у ўстановах адукацыі Брэстчыны, настаўнікам, дырэктарам школы, загадчыкам аддзела адукацыі Брэсцкага раёна, з 1963 па 1978 год узначальваў упраўленне адукацыі Брэсцкага аблвыканкама.

З 1978 па 1982 год – саветнік і кіраўнік групы па народнай адукацыі ў Афганістане. У 1982 - 1988 гг. займаў пасаду намесніка начальніка Упраўлення школ Міністэрства адукацыі. Пасля выхаду на пенсію працягваў работу у Рэспубліканскім інстытуце удасканальвання настаўнікаў.

Узнагароджаны ордэнам Айчыннай вайны І ступені і іншымі баявымі ўзнагародамі. За высокі прафесіяналізм, талент кіраўніка і арганізатара адукацыі яму было прысвоена званне “Заслужаны настаўнік БССР”, за працоўную дзейнасць быў узнагароджаны шматлікімі ўрадавымі ўзнагародамі. Памёр 8 снежня 2002 года.

http://chechersk.ru/lica/246-gulevch-mkalay-palavch.html