В этом здании Нисимковичская средняя школа размещалась с 1952 до 1975 года. Снимок 1969 года.

Сычаўка-Нісімкавіцкая.

Паселак у Нісімкавіцкім сельсавеце. Назва паходзіць ад слова “сыч” – нелюдзімы чалавек, або назва птушкі. Заснаваны ў 1920-я гады жыхарамі вескі Нісімкавічы і навакольных хутароў, былі пабудовы 1914-1916 гадоў. Размешчаны на рацэ Сычаўка. З 8.12.1926 г. у Нісімкавіцкім сельсавеце Свяцілавіцкага, 4.8.1927 г. Чачэрскага раёна Гомельскай акругі. Паселак уваходзіў у склад калгаса “Савецкая Беларусь”.

За гады вайны загінулі яго жыхары: Баплыкоў Аляксей Маркавіч (матэрыялы аб ім ёсць у школьным музеі), Балыкоў Афанас Ягоравіч, Булаўкін Іван Рыгоравіч, Гулевіч Іван Мітрафанавіч, Ісачанка Іван Фядосавіч, Калкоў Леанід Юркавіч і Каржоў Ціхан Сяргеевіч. Балыкоў А.М. у час вайны быў камандзірам 2-га батальёна 253 Тарашчанскага стралковага палка 45 Шчорсаўскай стралковай дывізіі. Восенню 1942 года батальён пад яго камандваннем адбіваў безперапынныя атакі 79-й эсэсаўскай дывізіі, якая рвалася да Волгі ў раёне завода “Чырвоны Кастрычнік” горада Сталінграда. У адным з баёў 3 лістапада 1942 года Балыкоў А.М. загінуў. Яго імя занесена на жалобнае знамя ў зале Воінскай славы на Мамаевым кургане ў Валгаградзе.

На 1.01.1952 года ў пасёлку было 32 жыхары 106 жыхароў. Сярод жыхароў настаўнікі Нісімкавіцкай СШ Балыкова Лідзія Мікалаеўна і Булаўкіна Галіна Іванаўна, фельдшар Клімянкоў Іван Мітрафанавіч, акушэрка Клімянкова Юлія Мікалаеўна. У пасёлку дейнічала пачатковая школа, якая адразу пасля вайны размяшчалася ў хаце Марозава Пятра Сяргеевіча (на той час ён знаходзіўся ў Чырвонай Арміі), а затым у хаце Хімянковай Хоўры. Настаўнікамі працавалі Гулевіч Марыя Васільеўна і Гулевіч Франя Паўлаўна. Затым школа была пераведзена ў пасёлак Сычаўка Рудніцкая.

З 1959 года ў складзе саўгаса “Нісімкавічы” (брыгада № 4). На 1.01.1963 года ў пасёлку 35 двароў 125 жыхароў. Пасля аварыі на Чарнобыльскай атамнай станцыі пачалося рэзкае зніжэнне колькасці насельніцтва. У 1991 г. 21 двор 31 жыхар. Шмат гаспадарак перасялілася ў вёску Нісімкавічы, некаторыя выехалі за межы раёна і вобласці. Зараз не існуе.

http://chechersk.ru